Måling av surleiksgrad
Surleiksgraden (pH-verdien) bør helst målast
den same dagen som prøva
er teken, for pH-verdien kan endre seg ved lagring.
Hugs at pH-verdien minkar dess surare vatnet er.
Surleiksgraden kan normalt ikkje målast med pH-strips eller
pH-papir! Ein ny test gjort på NIVA viser at pH-strips gjev
altfor låge verdiar (0,5-2 pH-einingar for lågt). I kalkrike prøvar med høg
leiingsevne kan pH-strips gje tilnærma rett verdi.
Ein enkel metode som gjev brukande
pH-målingar, er måling med pH-komparator. Ein
pH-komparator er ein plastboks med farga glasvindauge,
vassprøverør og indikator.
Den mest eigna er ein såkalla «wide
range»-komparator, som har måleområde frå 5,0 til 8,5 og kan
lesast av for kvar 0,5-eining. Ein test av denne
komparatoren mot NIVAs standard pH-meter viste at
«wide range»-komparatoren stort sett gav rett verdi
med ein feilmargin mindre enn 0,5 pH-einingar. Det
galdt også i prøvar med låg leiingsevne.
Biletet viser eit eksempel på ein pH-komparator, som er ein plastboks med farga glassvindauge, vannprøverør og indikator.
Komparatoren er enkel å bruke. Skyl først og fyll
så prøverøret med vatn silt av frå jordprøva, og set til 12 dropar indikator. Rist prøva og
samanlikn med fargen på glasruta i komparatoren. Les
av pH-verdien ved den fargen som liknar mest på
fargen i prøverøret.
Dersom klassen nyttar pH-meter med
glaselektrode, er det viktig at dette alltid er kalibrert (innstilt)
mot to bufferløysningar med kjend pH-verdi, og at
glaselektroden aldri tørkar ut.
Variasjonar i pH innanfor dei
ulike landsdelane kan mellom anna ha samanheng med bergartane i området. I område med kalkrik
berggrunn kan effekten av sur nedbør nøytraliserast, medan
dette ikkje skjer i område med «sure», harde bergartar
som gneis og granitt.
Pris på pH-komparator er ca. 650 kr, medan
refill til komparatoren kostar ca. 100 kr. Utstyret kan kjøpast frå
KPT-Naturfag i Kristiansund, Haaland og Hamre i Asker eller
Fybikon i Kristiansand.
|