Brørvikskuto.................episode 027

Brørvikskuto.................episode 027
	Comments: BILETE 342 Me måtte flytta talja lenger ned i lia for å få ny vinkel og trekkraft på dragelina. Hans såg ut ein bjørkestamme lenger nede, tok øksa og rydda veg bort til treet så ein kunne koma greit fram. klikk direkte på bileta for max storleik Full størrelse
Tittel mangler
	Comments: BILETE 343 Dei tre eikestokkane ligg klar til løyping. Stilkemnet nederst, kjølemnet i midten og stamn-og lotemnet øverst. Me festa patent-talja i treet og slingsen på stilk-stokken og så byrja me å dra og å løypa. Dette gjekk lett og greit. Hans spitta bak på stokken medan eg drog i talja. Me fekk dei fram mot ei bratt skråning,og derifrå slapp Hans dei ned eit bratt reint løype til dei stansa ved noko store steinar. Hans sa han høyrde på lyden når stokkane gleid ned at dei ikkje tok skade. Risikoen kunne vera at eikestokkane kunne sprikka i enden dersom ein av endane støytte mot ein stein, men som sagt var det ikkje noko gale å høyra på lyden. Eg gjekk ned for å sjå i enden på stokkane etter at stilk og kjølemnet var komen ned. Eg såg det var ei tynn sprikke midt i enden av eine stokken og sa det til Hans. (Seinare såg Hans på det og sa at desse sprikkene var frå før i stokken) Klokka gjekk mot 12.30 og me gjekk ned til matpause. Full størrelse