Vatn i biletkunsten

Veiledning

Valg for denne aktiviteten:

 Hovedside  Les veiledning  Legg inn data  Vis resultater

 Læreplanmål

Føremål

• Bli merksame på dei visuelle kvalitetane ved vatn
• Bli kjende med bilete, fotografi, film med vatn som tema
• Sjølve måle, teikne, fotografere og lage bilete med materiale frå naturen

Samarbeidspartar

Kunstforeining, museum, lokal målarklubb eller fotoklubb, foreldre eller andre som er amatørmålarar

Utstyr

Papir og fargar, måling og penslar, eventuelt staffeli, lerretspanná eller akvarellpapir, oljefargar, akvarellfargar, treplate som underlag for akvarellpapiret, målarteip til å feste papiret med, biletstoff, teiknestiftar, reproduksjonar og kunstbøker.

Gjennomføring

La elevane velje seg ein plass ved vatnet, bekken eller sjøen som dei tykkjer er fin. La dei velje seg eit utsnitt dei vil måle, gjerne ved å bruke ei pappramme som «søkjar« for lettare å velje seg eit biletutsnitt. La elevane bruke oljefargar til å feste naturen på lerretspannaet. Elevane kan også prøve seg med akvarellfargar.

Mål eller teikn naturen på ulike årstider. Prøv å framstille motiva så «korrekte» (dokumenterande) som mogleg, og bruk i tillegg ei meir fri framstilling. Jamfør gjerne framstillingane med framstillingar som kjende kunstnarar har av stader, og diskuter om dei har lagt vekt på å vere dokumenterande eller har hatt eit meir fritt uttrykk.

Studer aktuelle bilete av vatn (måla av til dømes Monet). Drøft gjerne skilnaden mellom den måten som nasjonalromantikarane og ekspresjonistane skildrar vatn på. Sjå lenker til bilete av vatn i bakgrunnsstoffet.

På den same måten kan ein arbeide med film og fotografi. La også elevane prøve å lage bilete med materiale dei finn ute i naturen, eller som ein kombinasjon av måling og materialbilete.

Av ferdige bilete kan ein lage ei utstilling, til dømes i samband med andre arrangement på skulen. Eller bileta kan hengjast opp i aktuelle lokale i bankar, forretningar eller kommunehuset. Ein kan også arrangere ei eiga utstilling for eventuelt sal av bileta.

Tips og idear

Av både pedagogiske og økonomiske grunnar kan det vere aktuelt å la elevane arbeide med «avgrensa palett», det vil seie at dei berre får grunnfargar (gult, blått og raudt og eventuelt kvitt). Dei må då blande dei andre fargane sjølve, og det er fullt mogleg både når det gjeld akvarellfargar og oljefargar. Elevane kan lage eigne staffeli og papir m. m.