Comments: Foto: Knut H. Grønsdal (fødd Myrland) (f. 1851 - d.1947) saman med kona Margreta.
Knut vart fødd på Myrland i Hildershaugen (under g.nr. 20
Steintveit) sør for Fitjavatnet i 1851, men familien flytta derifrå ca. 1856 til Røyrbotnen i Grønsdalen som opphavleg var husmannsplass under Grønsdalen.
Levevegen til Knut Grønsdalen (seinare skifta han etternamn til Myrland), utanom å vera felemakar og litt bonde, var skreddaryrket. Det var vel ein av grunnane til at han flytta frå Røyrbotnen og ned i bygda rundt 1900. I ungdomen lærde han skreddaryrket på Voss der han òg lærde felespel. Han kunne spela mykje ny dansemusikk, men best var han når han drog opp ein av dei gamle slåttane, då var han retteleg med i spelet, som var reint, mjukt og taktfast. Difor vart han nytta til spelemann i mange bryllaup.
Knut fekk overta felemakarutstyret til Johannes Bårdsson Tveit (1786- 1847), som laga dei kjende tveitafelene.
![[Forrige]](/delt/ikon/p_forrige.gif)
![[Opp]](/delt/ikon/p_opp.gif)
