Show results

Kommentarer til aktiviteten
I dag har vi fått mange svar. Vi fekk svar frå fylkesarkeolog Landmark om at vi kunne rydde "Revahaug" saman med arkeologen ved Vest-Telemark museum. Vi har alt kontakta henne, og ho blir med. Vi har også avtalt møte med tursitsjefen i Tokke om å møte ved "Revahaug" torsdag neste veke. Då vert også Vicky og Gro frå museet med. Vi skal legge ein plan for kva vi skal gjere med gravhaugen. I dag har vi laga forslag. Vi har også fått svar frå den forrige oppvekstsejfen, Arne T. Aabø. Han skreiv at det var nokre ting som hadde blitt sendt inn til Oldsakssamlinga. Men Oldsakssamlinga har sendt e-ost at dei ikkje kan finne noko. Vi har i dag sendt kopi av "Lårdal bygdesoge" og "Gardar i Mo" der det står at ein del ting vart sendt Oldsakssamlinga. Det skal bli interessant å prøve å finne ut av dette. Arne T. Aabø skreiv også at det var knytta eit sagn til "Revahaug". Det er sagnet om Åse Stålekleiv. Det vil vi også forske litt på.