Show results

Kommentarer til aktiviteten
Elevane i 5. klasse har nå sendt brev til grunneigarar og andre som kan kaste lys over Baksida av Dalaåi. Vi har fått vite at på 1850 talet var det ein som heitte Asbjørn "Slaven" som nesten slo i hel lensmann Mandt. Han fekk tilnamnet "slaven" fordi han så ofte vart sett i fengsel grunna vold. Her har vore bakeri, husmannsplassar, skjenkestoge og diverse slåtteteigar. Vi har funne restar av brukar som viser at det har vore bru over elva. Ein stad vert kalla "Fentefloti" fordi her budde fantar. Der bakeriet stod har fått namnet Kakeflaten. Vi i 5. klasse har fått ansvaret for å rydde staden som går under namnet Bøle. Her står det ein stor stein ut i elva med ein jerndings på ca. 6 cm, Den har eit rundt hol. Vi har lurt fælt på kva denne dingsen kan ha vore godt for. Men etter å ha undersøkt hos fleire, har vi fått vite at den vart brukt i samband med ei tømmerdrift på 1980 talet. Det var ein taubane for å drive fram tømmeret, sidan det er så brattlendt. Jerndingsen med hol i vart sett ned i steinen for å feste ein vaier. Vi håpa det var noko meir spanande! Vi har også fått vite at i løpet av 1900-talet mista minst 3 personar livet under tømmerfløting langs Baksida av Dalaåi. Vi har oppdaga 2 forstøtningsmurar i elva. Dei vart laga slik at ikkje tømmerstokkane skule gå på land og lage tømmervasar. Her har også vore eit drap, men det har vi ikkje nok opplysningar om enda. Den nedlagte garden Ripilen, der Moltke Moe fekk høyre Draumkvedet frå Torbjørg Ripilen på 1800-talet, er endestasjonen på Baksida. Til mandag den 8. desember kjem Anders Storøygard, som er son til ein av lærarane på skulen vår, heilt frå Oslo for å sei fram Draumkvedet for alle som går i 5-7. klasse. Det ser vi fram til. Vest-Telemark Museum har sagt dei vil undersøke dei einaste restane av hus som er på staden Fles. Dei vil då kanskje kunne tidfeste kor gamle desse trestokkane er. Her står forresten att ei låvebru som står der aleine. Skulesjefen vil gjerne vere med oss i prosjektet. Det er vi glade for. Mange har sagt at dei er glade for at vi har engasjert oss for å kartlegge stadene og historia til Baksida. Vi er nå i ferd med å finne informasjon om ein som kom frå Tyskland på 1800-talet og etablerte eit bakeri her. Han heitte Caspar Tonning. Barnebarnet hans lever enda her i Tokke. Han kan eit stev som bestefaren hans har laga. Det skal vi få høyre ein gong, sa han. 6. og 7. klassene begynner si forsking på nyåret. Til våren vil vi saman med Historielaget få til ein vandring langs Baksida. Då skal vi ha henta inn mykje informasjon om Baksida, og vil setje opp informasjons tavler. Nå tek vi juleferie! God jul!