Show results

2009-09-27 (Anne-Marie Øydvin og Arne Høyland)

Kommentarer til aktiviteten
Hausten 2009 har eg turnert med Den kulturelle skulesekken i Hordaland sin kulturarvturnè "Du finn oss i naustet" og det var kommunane Ulvik og Austevoll som vart vitja. I etterkant av opplegga vart det laga reportasjar som vart lagt ut på Miljølære.no sin nettstad. http://www.miljolare.no/data/ut/aktivitet/?a=VK1&o_id=19945&d_id=3244 Eg fekk då ei fin tilbakemelding frå Anne-Marie Øydvin som er oppvaksen på Bleikøy i Oslofjorden og ho sende nokre bilete med kommentarar om kystkulturen der som eg tykkjer var lærerike og spanande. Difor ba eg om løyve og fekk lov til å leggja ut informasjonen eg fekk frå henne på desse sidene til miljølære.no Arne Høyland

Bilder

Huset på Bleikøya. Klikk direkte på bileta for max storleik. Anne-Marie fortel: Me hadde barkekar nede på skjæret med brygga heime i Oslo, som nota (vaet) vart barka i. Garnbøting vart gjort i Va-bua, og det var farfaren min som var fødd i 1890 som stod for det. Han lærte oss ungane å bøta garn medan han fortalde frå sin barndom ¨ på Bleikøya i Oslofjorden.
© Anne-Marie Øydvin

Me levde av og med sjøen.... far og farfaren min fiska og reparterte båtar, og eg veit at me måtte vera stille om dagen når me var små, dersom me var innomhus fordi pappa og farfar sov etter å har vore på fiske om natta. Det var stort sett ål dei fiska etter, og den vart levert på Fiskehallen på Vippetangen. Rett attmed der danskebåten går i frå.

O 80 0 var vabåten som me brukte til fiske, ferie og byturer når me ikkje tok ferja. Den vart bygd under krigen og har vore i bruk heilt til no i det siste. Eg trur det stod ein Rapp-motor i den til å begynne med, og veit at det var ein stor overgang når me fekk ny motor - ein Lister diesel med elektrisk start slik at ein ikkje trong "fyra" fyrst. Me denne båten reiste me på ferieturar - både til Sverige og til Sandefjord, lenger sør kom me oss aldri... men eg har kryssa Oslofjorden med den i god kuling og høg sjø.

Med farfar i sjekta.

Oslo sett frå Bleikøya.

Utsikt til Bunnefjorden.