Show results

Meling skule ligg på Hessvollen. Det er er eit tidlegare lyngheiområde i utmarka til Melingsgardane på Bømlo. Området er no svært tilgrodd av gran, furu og tildels lauvskog. Grunna endra livsvilkår har det moderne mennesket i stor grad mista den nære kontakten med naturen og det levande. Vi trur difor det har stor verdi å hjelpe elevane våre til å sjå korleis lokalsamfunnet vårt i tidlegare generasjonar har vore nært knytt til samhandling med den levande og livgjevande naturen. Vi vil gjennom prosjektet "Kulturlandskap" bidra til å skape nye læringsrom for elevane våre. 
Dei ulike læringsaktivitetane er sydd saman til ein heilskap og prosjektet opnar difor opp for eit mangfald av læringsstilar, der alle sansar vert utfordra i eit praktisk samspel. 

 Vi har valgt iPad som ein vesentleg reiskap for arbeid med dette omfattende prosjektet. Dette har vi gjort fordi vi har sett at iPad integrerer eit vell av læringsstilar.
© Reidar Høyland (14.08.2010)