| Description: | Det er sagt at langs Baksida av Dalaåi rauk det i si tid frå 40 piper. I dag er det bare hustufter igjen. Dette er ei strekning på ca. 10 km. Det går ein skogsbilveg langs Baksida, noko som gjer det greitt å kartlegge alle stadene.
5-7 klasse har gjort Baksida til sitt "Rydd et kulturminne" prosjekt dette skuleåret. Vi har i haust funne fram til 23 ulike namn på denne strekningen, takka vere lokalkjente folk. Plasane er igjengrodde, men vi skal rydde 4 plassar til våren.Den siste staden vart ifylgje Såvi Vistad (88 år), fråflutt i 1893. Vi vil fram til våren prøve å finne ut kven som budde her, samle informasjon om andre interessante ting som gjerkk føre seg her. Bl.a. var det fløting fram til byrjinga av 1960 åra. Her omkom nokre fløtarar, her vart det bygd bruer der ein i dag bare ser brukara att. Det vart bygd forstøtningsmurar så ikkje tømmeret skulle gå på land. Her var det bakeri, skjenkestoge m.m. Vi har kontakta alle dei 9 grunneigarane, og alle har sagt ja til at vi kan rydde og setje opp informasjonsskilt. Vi har søkt ulike instanser om økonomisk bistand. Frå kommunen fekk vi kr. 2000,- utan å ha søkt!!
Kvar klasse har fått ansvaret for sin plass. I tillegg vert dette prosjektet eit nysgjerigper prosjekt for 5. og 6. klasse. Vi vil då forske på kvifor folk slutta å bu langs Baksida av Dalaåi. Dette vil vi bruke tida fram til 1. mai for å finne ut.
Vi har fått med oss styret i Tokke Historielag og Kultur- og oppvekstetaten.
Vi har fått vite at resultatet vil bli trykt i årsskriftet for Tokke Historielag i 2010. Dessutan vil vi saman lage eit opplegg til våren, der vi vil arrangere ein vandring langs Dalaåi. elevane vil oreintere om dei ulike stadene langs åi. Meir detaljert har vi ikkje planlagt det ennå.
Bilete vert lagt ut snart.
28.januar: Vi har fått vite at ein prest i Seljord, Kjell Johan Nenseter, at far hans, som var prest i Tokke på 1950-talet, har måla eit bilete frå Baksida. Dette får vi låne slik at vi kan prøve å etterligne det. Vi har bestilt ekte strie til dette.
I eit gamalt skriv etter Rikard Berge, står det at Asbjørn Bruher, med tilnamnet "Slaven", og som budde på Baksida, enda sine dagar i tukthuset i Kristiania. Han var ein valdsmann som levde på 1800-talet. Han tok nesten livet av lensmann Mandt då han prøvde å arrestere han. Asbjørn tok sitt eige liv i tukthuset. Hjartet hans vart ifylgje R.Berge gjeve til medisinsk studium på Universitetet i Kristiania. Nå skal vi undersøke om dette hjartet framleis eksisterer.
26.februar: Vi har nå fått brev frå Per Holck ved Universitetet i Oslo. Han kjenner dessverre ikkje til hjartet etter Asbjørn Tovson Bruher. Dessutan skriv han at alle organ som vert levert inn til Universitetet er anonymisert. Men han synest det var interessant prosjekt vi hadde.
Vi har nå bestemt at vi skal ha ei vandring langs Baksida av Dalaåi den 11.juni i år. Vi har kalla inn til møte den 16. mars med alle samarbeidspartar for å førebu denne dagen.
Den 18. mai fekk vi vite at prosjektet vårt har kome til finalen i Årets nysgjerrigper. Det vil seie at vi har blitt blant dei 20 beste i landet. Det var topp!!
Vi har blitt invitert til å kome til Jærmuseet torsdag den 4. juni for å presenetere prosjektet. Alle på mellomsteget dreg avstad.
Den 28. mai rydda vi ein heil dag dei plassane som vi har med i prosjektet vårt. Det vart svært pent etterpå. Vest-Telemark Blad var med oss heile dagen og laga ei reportasje over 2 sider i laurdagsutgåva. |
