Description: | Vinnesholmen er eit område som tidlegare vart drive som lite småbruk(strandsitjar/husmannsplass).Området er i dag friområde,og husa på holmen vert i dag drive som ei stifting med utleige av våningshuset til turistar.
Vinnesholmen er også ein del av ein kultursti på Vinnes.
I dag er holmen kraftig tilgrodd av skog, medan holmen tidlegare nærast var trefri p.g.a. beiting av husdyr.
Stiftinga ynskjer å tilbakeføra holmen som beitelandskap,og det er derfor dei siste åra sleppt sauer på holmen.Men mykje av vegetasjonen er for stor, og må derfor fjernast før sauene kan halda landskapet i hevd.Det er dette Vinnes skule vil hjelpa til med gjennom dette prosjektet.
Alle elevane frå 1.-7.klasse,har delteke i prosjektet.Vi har nytta 2 dagar til arbeidet.Vinnesholmen ligg i gåavstand frå skulen,og vi gjekk til arbeidet med liv og lyst.
Begge dagane var veret brukbart, med skya,litt dis eller regn og lite vind.
Vi hadde nok tenkt oss å få gjort meir på desse dagane, men tida flaug fort og greiner og pas måtte dragast eit stykke for å leggjast i haug.
Det viktigaste for oss var å få rydda store tre og buskar, slik at sauer for ettertida kan halda vegetasjonen nede.
Nokre store ,fine tre lot vi stå igjen, for å pryda kulturlandskapet.
Alle syntes det var kjekt arbeid og eit fint avbrkk i skulekvardagen,og så har vi gjort nytte for oss også.
Vi vil gjerne halda fram med dette arbeidet seinare,dersom det vert høve til det.Det er enno mykje å ta fatt på! |