Site: Tunet til Eidehøvdingen

Eidehøvdingen var ein storbonde som truleg levde på 400-talet i Gloppen kommune i Sogn og Fjordane. Arkeologiske funn gjort i år 2000 etter utgravingar i regi av Universitetet i Bergen tyder på at Eide var ein storgard, og truleg ein sentral gard på nordvestlandet i gammal tid. Utgravingane avdekka at garden hadde ein hovudbygning med heile 43 meters lengde og ei breidde på 8 meter. Ein tilhøyrande fjøsbygning med båsskiljer til så mange som 30 storfe vart også avdekka. Dateringa av garden tilsvarer grava til høvdingen. Gardstunet er no tilvakse med krattskog etter utgravingane.