Site: Gamlevegen Berekvam - Vidme

Dette er ein gammal veg til høgdagarden Vidme i Flåmsdalen. Landskapet er bratt. Vegen går gjennom gammalt kulturlandskap og er delvis grodd att og utrasa. Han har ikkje vorte nytta sidan 1920 - åra. Før den tid var han hovudvegen til høgdagarden, og ein kunne truleg bruka hest og kjerre på vegen. Gardbrukarane på Vidme har teke initativ til ein rapport som skildrar gamlevegane kring garden, og dei samarbeider med Nærøyfjorden Verdsarvpark om tilrettelegging av gamlevegen for turgåarar. Målet er å få stien rydda og merka med informasjonsskilt undervegs. Aurland barne- og ungdomsskule er partnarar til Verdsarvparken og me samarbeider om fleire prosjekt knytt til området og kulturlandskapet spesielt.