| Description: | Urlekleiva var ein del av den gamle hovudvegen over Radøy som gjekk frå Alverstraumen i sør til Rossnes i nord. Me veit ikkje når den vart bygd, men delar av vegen går i alle fall attende til slutten av 1700-talet. Gamlevegen over Radøy var i bruk fram til kring 1900, då den vart erstatta med ny veg.
I dag er Urlekleiva heilt overgrodd av gras, småbusker og ein del tre. Elevane ynskjer å rydda vegen slik at vegen vert synleg for alle som ferdast i området. Me har også planar om å setja opp eit skilt som fortel at dette er ein del av den gamle vegen over Radøy.
Radøy kommune festar området og har samtykka til at området vert rydda og skilta. |
