| Description: | Gamal torvmyr i skogen til Evju Bygdetun ved Hørte. Denne var i aktivt bruk på 1700-talet da Hørteverket var i drift med stanghammar og spikerhammar, foredling av råjern frå masovnane på Ulefoss. Dette blei rodd over Norsjø til Tangen på Evju Bygdetun og alle bønder i området rundt hadde plikt til å levere trekol til Kolatangen som blei frakta tilbake over Norsjø til masovnene på Ulefoss. Torvmyra på Evju på ca 20 daa var ein stor verdi på garden. Det blei tatt ut torv som blei tørka til brensel og solgt til industrisamfunnet rundt Hørteverket da skogen blei bruka til jernverket. Vi ser tydeleg spor etter torvuttak i området i dag men det er gjengrodd med tett krattskog. Nokre store "furuer skal få stå i ro" som Håvard Hedde sa, men vi ynskjer rydde vekk krattskogen og merke området med informasjon om kulturhistoria. Det går ein tursti rett forbii forlengelsen av Grøne Gangar i Sauherad så merkinga kan bli ein del av denne. Sauherad Samtun,rehabiliteringsenter for rusmissbrukarar, leiger tomt av Evju Bygdetun rett ved. Vi tenker at bebuarane der kan bli med i oppryddinga i samarbeid med Dugnadslauget på Evju Bygdetun. Vi har erfaring frå godt samarbeid før med tjærebranning i skogen til bruk på tømmerhusa på Evju Bygdetun frå 1700-talet. |
