|
Kvar veke vart 50 individ av fjørerur undersøkt om dei var befrukta (sjå "Metodikk"), og resultatet vart rapportert via kanalar til dei ansvarlege for den vitskaplege gjennomføringa (sjå "Kva går rurprosjektet ut på?").
Diskusjon
Det som synest klart er at breiddegraden spelar inn på når ruren vert befrukta, men data frå Lysekil øydelegg det fine biletet. Det er med andre ord då i tillegg klart at òg andre tilhøve spelar inn, dersom det ikkje er gjort metodiske feil.
Forskarane synest å vera overbevist om at breiddegraden sin innverknad er kopla til lyset. Om det er daglengden og/eller lysstyrken (solas vinkel mot aktuelt punkt på jorda) er ikkje heilt avklart i prosjektbeskrivelsen, men dei to faktorane heng forsåvidt godt i hop.
Det vert utført laboratorieforsøk på om temperaturen påverkar tidspunkt for befruktning til neste år.
Det er foreslått at dersom mindre lys forårsaker at befruktninga startar tidlegare, så bør rurindivider lengst nede i fjøra (mindre lys i periodar enn i øvre delar av fjøra) befruktast fyrst, og dei øverst sist. Det er meininga at dette skal testast for til neste år.
Andre miljøfaktorar, som saltinnhald og bølgjeeksponering, kan ha innverknad på befruktninga. Dersom befruktninga hadde vore konsekvent i høve breiddegraden, kunne ein antakeleg ha utelate dei to faktorane, men sidan Lysekil braut ut av mønsteret, så må ein til neste år sjå på kva som skiljer Lysekil frå resten. Ein må så teste ut desse faktorane i neste runde, og saltinnhald og bølgjeeksponering kan då vera aktuelle kandidatar.
Dersom ein finn at nokre av dei nemnde faktorane må testast for til neste år, så nyttar vitskapsfolka eigne og andres kunnskap og erfaring til å løyse korleis ein i neste forsøk kan fanga opp dei ulike måtane ein faktor kan påverka resultatet. Det kan vera at nokon har gjeve ut ein artikkel på denne faktoren og korleis den påverkar fjørerur, andre rurartar eller andre organismar som kan ha noko til felles med fjøreruren.
Det er i det heile mange vinklingar til dei ulike problema, og dette er gjerne ein av dei meir kreative augneblinkane i vitskapleg arbeid. Uansett treng ein til neste år meir kunnskap om dei lokalitetane som skal undersøkjast. Ein del informasjon, som mål på flo og fjøre, lysnivå og daglengde kan ein få tak i utan fysisk å vera tilstades, men lokale målingar kan bli aktuelle til neste år.
På bakgrunn av årets resultat vil ein altså til neste år føre forsøket vidare der ein antakeleg vil teste dei ulike faktorars påverknad ved plassering av undersøkingsområda.
Kva faktorar som skal vektleggjast i neste runde er det imidlertid professor Davenport og hans vitskaplege partnerar som må ta stilling til, og svaret på dette vil nok ikkje foreligga med det fyrste. Denne diskusjonen vil bli justert når dette føreligg.
Lenker til generell informasjon om fjørerur
| 
