Historisk bakgrunn
I sommar (2002) formidla førsteamanuensis Torleiv Brattegard ved Institutt for fiskeri og marinbiologi, Universitetet i Bergen kontakt mellom nettverket og professor John Davenport ved Department of Zoology & Animal Ecology
University College Cork (Irland). Professor Davenport var på jakt etter samarbeids"partnerar" til eit prosjekt. Prosjektet var ein studie av fjøreruren (Semibalanus balanoides), og utgangspunktet var å sjå på om breiddegraden har innverknad på tidspunktet for befruktning hos arten. Ei geografisk spreiing langs breiddegraden, der fjøreruren er vanleg i Atlanterhavet, var hovudkriteriet for plassering av lokalitetane.
Nettverk for miljølære vert involvert
Metodikken (sjå eige metodikk-side) for dei undersøkingane som skulle utførast er velegna for skuledeltaking, men ulempen var at fristen for å koma igang var relativt kort (naturen styrer). Vi måtte nå skular som har anledning til vekentlege undersøkingar i eit ukjent antal veker, og sidan vi ikkje hadde godt nok bakgrunnsstoff til å vise metodikken via internett måtte vi kurse deltakarar. Under eit kurs for lærarar ved Hauge skule i Bremanger, vart det klart at viss det var nokon som hadde forutsetningane for eit slikt prosjekt, så måtte det vera denne skulen. Den flotte og spanande fjøra like nedanfor skulen berre bad om å brukast mest mogleg. Responsen frå lærarane var spontant positiv, og kursinga var straks unnagjort. Skulen var så ute ein til to gonger i veka i tre veker, før 100% befruktning var nådd. Hauge skule stiller sjølvsagt til neste år, og har no planar om å leggje opp til prosjektoppgåve på dette til neste år.
Er du med til neste år?
Viss dette høyrest spanande ut, og de vurderer om de skal vera med til neste år, så kan du ta kontakt med Narve (sjå informasjon nederst på sida).
Ynskjer de erfaringar frå årets deltakarar, send gjerne epost til Hauge skule (adm@haugeskule.gs.sf.no). Ruth Marit Igland og Arve Ryland er skulens utagerande i dette prosjektet.
Vi vurderer om prosjektet skal bli ordinær aktivitet i nettverket til neste år.
Lenker
John Davenport sin prosjektbeskrivelse (Engelsk tekst)
.. informasjon om årets deltakarar
Info om John Davenport
Info om Torleiv Brattegard
Hauge skule
Epost:
Skulen - adm@haugeskule.gs.sf.no
Ruth Marit Igland - ruthmarit@c2i.net
Arve Ryland - arve.ryland@c2i.net
Informasjon om dei andre deltakarane vil koma etter kvart.
| 
