Resultater

• Registreringer
• Deltakere
• Kart
• Bilder
• Kulturminner
• Registrering

Klassetrinn for barn som var med:
6

Antall personer:
20

Antall dugnadstimar:
120

Ryddeaksjon:
Ryddeaksjonen 2002

Beskriving av gjennomføringa:
Svenskegrøfta.

6. klasse ved Solevåg skule har i haust jobba med å finne fram og legge til rette for at vi igjen kan sjå Svenskegrøfta i Solevågen.

For ca 120 år sidan kom mange svenskar hit til landet for å søke arbeid. Alle i bygda har høyrt om bakken "Svensken". Denne går i frå kafeen på Sunde og oppover mot Dåvane. Han vart laga av ein svenske, difor namnet. Ein annan svenske laga ei lang grøft på fleire hundre meter. Frå eit vatn som låg der Demningsmyra er no, og til Rasmusgarden i Solevågen. Der vart vatnet nytta til å drive eit treskjeverk. Vi veit lite om kven svensken var som laga denne grøfta., men han budde i Rasmusgarden under arbeidet.
I utgangspunktet trudde vi at grøfta gjekk heilt til Demningsmyra, men vi fann ut at han henta vatn frå bekken som kjem der i frå.

Bakgrunnen for dette prosjektet vårt, var at vi fekk eit skriv frå Norsk kulturarv om ryddeaksjon 2002. Denne aksjonen skulle vere med på å leite fram gamle kulturminne slik at dei kom fram i lyset igjen. Alle klasser som fekk godkjent prosjektet sitt skulle få kr. 2500 i støtte. Det er mange eldre i bygda som har visst om denne grøfta. Mange lærarar ved skulen har lenge hatt eit ønske om å leite den fram.

Grunneigaren Knut Asbjørn Solevåg stilte seg positiv til dette då vi kontakta han. Han meinte at det var bra at den oppveksande slekt fekk sjå og lære litt om gamle dagar i Solevågen. Tenk kor dei sleit før i tida.

I haust lokaliserte vi området og 3 torsdagar var vi i skogen og felte tre og grov opp mose og jord som gjennom mange år har grodd i grøfta..
Elevane hadde med seg arbeidskle, hanskar, grafser og spader.
Til slutt fekk vi prøve å sende vatn gjennom grøfta. Den virka eit stykke, og det var stor stas.

6. klasse og Jørn Harald Høydal.