Resultater
| Alle områder | » | Innlandet | » | Horjedrågje og Gamle Høgsætervegen | » | Horjedrågje og Høgsætervegen | » | 21.10.2011 (6. klasse og 7. klasse) |
| Deltaker: | Heidal skule |
| Utført av: | 6. klasse og 7. klasse |
| Område: | Horjedrågje og Gamle Høgsætervegen (Sel, Innlandet) |
| Kulturminne: | Horjedrågje og Høgsætervegen |
| Dato: | 21.10.2011 |
Type kulturminne:
Gamle ferdselsvegar
Gårds- og bruksnummer:
192 (Horjedrågje)
Når er kulturminnet fra?:
Ukjent byggeår,
I hvilken periode var det i bruk?:
Kjent brukt på 1800-talet
Klassetrinn for barn som var med:
6. og 7.klasse
Antall personer:
41 elevar og 6 vaksne tilsaman på begge prosjekt.
Antall dugnadstimar:
ca.240 timar
Hvilken funksjon hadde og har det?:
Horjedrågje var vegen mellom Øverbygda og nede i bygda.
Gamle Høgsætervegen var vegen til Høgsætra.
Beskriv hva som er gjort:
Horjedrågje
Ordet «dråg» er namnet på ein dragveg eller slep.
Horjedrågje er ein gamal grendeveg for Sør-Ro, Sør-Rohagen, Åspen, Hjellet og Vetl- Espe i Øverbygde i Nedre Heidal.
Vegen var i bruk frå eldgamal tid og fram til 1950.
Ei tid var Sør-Ro og Horje brukt i hop, og denne vegen var nok ei viktig ferdselsåre i denne tida.
Frå 1867 vart Horjedrågje brukt som skuleveg for ungane i Øverbygda, og den siste tida vart den brukt som snarveg ned til bygda.
Drågje tek av frå grendevegen opp og nord for Horje i Nedre Heidal, den går litt i sikk-sakk oppover den bratte lia til den deler seg ved Hjellebekken . Den eine greina går over Hjellebekken til bruka Hjellet og Vetl-Espe. Den andre greina går til Åspen, Sør-Rohagen og Sør-Ro.
Vegen er nokså brei og kunne nok brukast av hest med enkel reiskap. Ein kan sjå at det har vore lagt ned mykje arbeid på delar av vegen , til dømes er fleire stykke av vegen mura med store steinheller
Fredag 21.oktober reiste 7. klasse frå Heidal Skule til Nedre Heidal for å rydde den gamle ferdselsvegen «Horjedrågje».
Vi kontakta grunneigaren og fekk lov til å rydde slik vi hadde planlagt.
21 elevar og 2 lærarar hadde ein fin dag i skogen, det var fint, stille ver og god innsats frå alle!
Vi brukte heile dagen og hadde ei god matpause rundt bålet midt på dagen.
Som klassemiljøtiltak er eit slik opplegg suverent, og vi merka kor tilfredse alle elevane var med dagen.
Vi hadde med oss hekksakser, små sager, økser og ei motorsag som lærarane brukte på dei største trea.
Vi prata med elevane om bruken av slike vegar og kor viktig det var å halde dei i stand før i tida og nå.
Vi trur at elevane ved å rydde denne vegen fekk ei god forståing av korleis folk kom seg fram i eldre tider, og at alt har endra seg mykje opp til vår tid.
Gamle Høgseterveigen
Vegen går frå gardane på solsida i Nedre Heidal og opp til seterstulen Høgsetra. Vegen vart brukt av folk og fe som gjekk opp og ned frå setra, samt folk som skulle ferdast i fjellet.
Stigen har vore attgrodd i mange år og derfor lite brukt. Med rydding av vegen håpar vi folk vil ta han i bruk att, både for å kome til setra og som eit mosjons alternativ.
Vi starta ryddinga i Øverbygda der Randbekken kryssar dagens veg. Før vi starta arbeidet var vi i kontakt med grunneigarane. Ein av grunneigarane tok og i mot oss den dagen vi var på rydding.
6. klasse brukte ein heil skuledag på ryddinga av stigen. Det var 20 elevar og 4 vaksne som deltok. Dette var onsdag 15. juni 2011. Vi hadde med sag, klyppetang og vaksne med motorsag. Midt på dagen møttes alle halvegs i stigen og laga stort bål og åt niste.
Det var flott arbeidsinnsats og godt samarbeid! Vi hadde ein flott dag ute i naturen. Alle var tilfredse, både elevar, vaksne og grunneigarane!
