Show results

Intervjuarar er Marlin Anita og Sondre. Kva heiter du? - Eg heiter Inga Viken. Kor gammal er du? - Eg er 81 år. Kva slag årstal vart du fødd? - Eg vart fødd i 1921. Kor lenge budde du i Nydalen? - Eg budde der til eg var 34 år. Har du sett ein hestebåt før? - Ja, det har eg. Alle i Nydalen hadde slike båtar før. Har du rodd eller vore med i ein hestebåt? - Liten båt rodde eg, men ikkje hestebåt. Ein gong hugsar eg vi brukte hestebåten til å komme oss på juletrefest. Vi var ikkje så mange i båten. Var litt redde når det var mørkt. Dei rodde til Vikane og sette båtane der. Og so gjekk dei til bedehuset på juletrefest. Elles kan eg hugse at mor sa at det verste ho visste å vere med på, var å få hesten opp i båten. Kor gamal var du første gongen du var i ein hestebåt? - Eg kan ikkje hugse det. Eg var liten då.
© Holsen skule (27.11.2002)

Intervjuarar er Marlin Anita og Sondre. Kor gamal var du første gongen du var i ein hestebåt? - Eg kan ikkje hugse det. Eg var liten då. Når dei rodde hestebåten, kor mange måtte til for å få båten i sig? - Var berre 2 i dei båtane. Ein rodde og ein heldt hesten. Kor langt frakta dei hestane med hestebåten, var det tvers over vatnet eller endå lengre? - Det var tvers over vatnet til vognhuset. Kvifor måtte dei frakte hestane over på andre sida av vatnet ? - Dei frå Nydalen måtte kanskje gruse vegen over på andre sida. Då måtte dei ha hestane over på den sida. Dei brukte og hestane når dei skulle køyre til Førde for å handle. Kva var grunnen til at dei frakta hestane med hestebåt? - Dei måtte ha stor båt til å ha hestane i. Har de hestebåt her på Viksdalen? - Nei, eg har ikkje høyrt at det er hestebåt her. Kjenner du nokon som har hestebåt? - Nei, eg kjenner ikkje nokon.
© Holsen skule (27.11.2002)

Intervjuarar er Marlin Anita og Sondre. Kva slags arbeid var det med å halde ein hestebåt i god stand? - Dei drog han inn i naustet, og der haldt han seg tørr. Opplevde du nokon gong å sjå at hestebåten vart brukt til å frakte hestar i? - Nei, det gjorde eg ikkje. Korleis trur du dei greidde å få hesten opp i båten? - Det var ei bryggje der båtane låg. Hesten var jo tung så det var litt vanskeleg. Hestebåtane vart vel brukte til andre ting enn å frakte hestar? - Til bryllaup og begravelse. Korleis var hestebåtane i størrelse samanlikna med dei vanlege båtane? - Hestebåtane var breiare og lengre.
© Holsen skule (27.11.2002)

Intervjuarar er Marlin Anita og Sondre. Kor lenge trur du dei har brukt hestebåtar i Nydalen? - I frå tidlege tider. Var det vanleg at kvar gard hadde sine båtar og hestebåtar? - Det var vanleg at kvar gard hadde sin båt. Bilvegen i Nydalen kom i ca. 1964. Hugsar du at dei bygde hestebåtar i Nydalen? - Nei, det hugsar eg ikkje. Men småbåtar hugsar eg. Rasmus Nydal laga små- båtar. Bror min laga båtar sjølv, men fekk hjelp av han Rasmus Nydal. Veit du om dei laga tjøra, som dei smurde båtane inn med, sjølve? - Dei smurde alltid båtane om våren. Dei laga tjøra sjølv. Dei måtte vera forsiktige i båtane. Dei måtte ikkje få noko på kleda sine. Er det spesielle historier om desse hestebåtane ? - Det var ein hest som for ut av båten ein gong. Det var Ola Nydal som var på veg over vatnet med hesten sin. Båten kvelva. Ola kom seg opp på båten medan hesten sumde til lands.
© Holsen skule (27.11.2002)