Participant: | Bagn skule |
Carried out by: | Sjuende trinnet på Bagn skule |
Site: | Skreddarbrøtin (Norway) |
Cultural heritage: | Skreddarbrøtin |
Date: | 02.02.2006 |
Type kulturminne:
Husmannsplass
Gårds- og bruksnummer:
54/5
Når er kulturminnet fra?:
1800 tallet
I hvilken periode var det i bruk?:
fram til 1900
Klassetrinn for barn som var med:
7
Antall personer:
25
Antall dugnadstimar:
135
Hvilken funksjon hadde og har det?:
Alle klasseromma på Bagn skulen har fått eit namn knytt til ulike historiske gardar og bedrifter i nærområdet til Bagn. Kunst og handverk rommet vårt har fått namnet Skreddarbrøtin, etter husmannsplassen Skreddarbrøtin. Skulen har som ambisjon å oppsøkje namna til klasseromma for å lære lokalhistorie og om gamledagar.
Skreddarbrøtin var ein husmannsplass som tilhøyrde Øvre Sætern. Det er eit svært karrig lite bruk. Dei hadde ca 2 dekar dyrka jord og nokre husdyr. Det var ei liten stugu med to rom, og eit lite fjøs med låve. Husmannen arbeide på Øvre Sætern som gardsarbeider. I tillegg var han skreddar, der av namnet Skreddarbrøtin. Litt før 1900 vart det for dårlege kår å bu på Skreddarbrøtin. Det vart lagt under Øvre Sætern. Dei brukte jorde som beiteområdet heil fram til 1950. I dag har det grodd att og vorte skogsområde.
Beskriv hva som er gjort:
Skjøtselen som er gjennomført er rydding av kratt rundt sjølve tunet og der husa stod. Vi rydda også stien fram til Skreddarbrøtin.
Det som er planen vidare er at vi kjem til å besøkje Skreddarbrøtin med nye klasser, fordi vi har namna eit av klasseromma Skreddarbrøtin. Vi kjem til å rydde noko meir kratt. Vi kjem også til å legge opp nokre stokkar som syner kor husa stod.
![](/innsendt/bilder/3002/918/thumb/4407337054d14/600x900.jpg)
Prosjekt Skreddarbrøtin er eit prosjekt utført av elevane i sjuande trinnet ved Bagn skule 2005-2006. Dei har rydda eit kulturminne, husmannsplassen Skreddarbrøtin. Skreddarbrøtin er opphavet til namnet på kunst og handverk klasserommet vårt.
© Øyvind Kamben (29.09.2005)
![](/innsendt/bilder/3002/918/thumb/440731d9e16d8/600x900.jpg)
Her ser vi korleis det såg ut før vi starta arbeidet med å rydde husmannsplassen Skreddarbrøtin.
© Øyvind Kamben (30.09.2000)
![](/innsendt/bilder/3002/918/thumb/4407341120977/600x900.jpg)
Det vi ser her er muren til stugu dei budde i på Skreddarbrøtin.
© Øyvind Kamben (29.09.2005)
![](/innsendt/bilder/3002/918/thumb/44073a029b2c9/600x900.jpg)
Vi starta med å sage ned dei minste trærne.
© Øyvind Kamben (30.09.2005)
![](/innsendt/bilder/3002/918/thumb/44073a5da4f1e/600x900.jpg)
Vi brukte berre sag, øks og ryddetang til arbeidet.
© Øyvind Kamben (30.09.2005)
![](/innsendt/bilder/3002/918/thumb/44073b5c23f91/600x900.jpg)
Nokon trær var så store at vi ikkje ville klart å få dei ned utan motorsag. Dei berre kvista vi opp og lot stå.
© Øyvind Kamben (30.09.2005)
![](/innsendt/bilder/3002/918/thumb/44073cbb10adc/600x900.jpg)
Så var det dei før i Valdres kalla Duggul. Midt på dagen måtte dei ha mat, og det var graut. Vi hadde ikkje graut, men pølse og brød. Det smaka godt, for arbeidet er tung. Etter maten hadde dei duggulskvile, dei la seg og kvile, før dei byrja arbeidet att.
© Øyvind Kamben (30.09.2005)
![](/innsendt/bilder/3002/918/thumb/44073e0807c75/600x900.jpg)
Etterkvart fekk vi meir inntrykk av kva som fanst innimellom all kvist og alle trærne. Her er grunnmuren til eit hus. Elevane fann ut at heile huset var om lag like stort som eit ei stove nå til dags. Ein kan undre seg korleis ein heil familie hadde det med så liten plass. Dei hadde ikkje lys og tv heller!
© Øyvind Kamben (30.09.2005)
![](/innsendt/bilder/3002/918/thumb/44073ef527cec/600x900.jpg)
Det er slitsamt arbeid å bruke øks og sag. Det mest keisame er nok å bere sammen kvist. Huttetu så mykje kvist det vart. Men med leik og moro,gjekk dette svært greitt. Hadde vi levd for 150 år sidan, ville kanskje slik praktisk arbeid vore kvardagen?
© Øyvind Kamben (30.09.2005)
![](/innsendt/bilder/3002/918/thumb/44074128137d5/600x900.jpg)
Endeleg hadde vi gjort det som var målet. Rydde stien inn til husmannsplassen Skreddarbrøtin og området der husa hadde stått. Det var ein godt fornøgd gjeng som for heim denne dagen. Truleg sov alle godt den kvelden, for det er slitsamt å drive med slikt arbeid. Det blir også mange andre sprell og hopp som krev energi. Frisk og kjølig haust luft gjer også at ein blir trøytt når ein kjem inn att i varmen. Alle var nok samde i at det er godt vi ikkje levde på den tida. Tross alt har vi det godt i 2005 !
Det var to imponerte lærera som reiste frå Skreddarbrøtin den dagen. Øyvind og Ola hadde fått sjå at sjuande trinnet er ein dugande gjeng til praktisk arbeid, og dei gjorde det med godt samarbeid og liv og lyst.
© Øyvind Kamben (30.09.2005)