Show results

• Registrations
• Participants
• Kart
• Bilete
• Kulturminner
• Registration

Type kulturminne:
Gammal ferdselsveg/kultursti

I hvilken periode var det i bruk?:
Fram til ca 1970

Klassetrinn for barn som var med:
8. - 10. klasse

Antall personer:
18

Antall dugnadstimar:
21 timar pr deltakar

Lokale foreininger eller lag det er samarbeidet med:
nei.

Hvilken funksjon hadde og har det?:
Dette er ein gammal ferdselssti som vart brukt til å komme seg raskaste vegen til beite med dyr, til elva inne i dalen eller til fjells.
No er dette ein fin tursti med variert terreng.

Beskriv hva som er gjort:
PROSJEKT RÅSKARET

8.-10.klasse ved Matre skule har i vår arbeidd med eit kulturminneprosjekt Ryddeaksjonen 2007, som er Norsk Kulturarv si satsing for aktivt å engasjera barn og unge i praktisk arbeid for å bevara kulturarven vår.
For å delta i Ryddeaksjonen 2007 måtte me ta på oss å rydda, eventuelt merka, eit lokalt kulturminne.

Eit av satsingsfelta til ungdomsskulen er fysisk aktivitet. Skulen ser det også som viktig å bruka naturen og nærmiljøet rundt oss på ein positiv måte. Med utgangspunkt i dette leita me etter eit kulturminne me lett kunne nå, utan bruk av bil, og som kunne gje arbeid til mange på same tid. Me enda opp med Råskaret på Matre, og etter først å ha avklara med grunneigarar, sende me ein skriftleg søknad om å få delta i Ryddeaksjonen, fekk ja …og dermed var prosjekt Råskaret i gang.

Men kva er Råskaret, og kva har me så gjort?

* Råskaret er ein gammal sti og ferdselsveg som går frå Einleitet, gjennom Råskaret til Matresvatnet. Frå det høgaste punktet, ved Fadervårhelleren, kan du også gå opp på Hestefjellet.

* Først hadde både elevar og lærarar synfaring på ”gjengrodde stier”, for denne stien har ikkje vore brukt i nyare tid.
* Lærarar merka så stien for å få den mest mogleg slik den ein gong var.

Så var det klart for arbeid:
I to heile skuledagar saga, klipte og rydda elevar og lærarar stien. Me hadde felles måltid med grilling begge dagar.
Vidare har me laga vegskilt og malt og hengt opp vegmerke.
På skulen har me også laga natursti med 15 postar. Denne kan folk nytta ut august månad. Svarark og blyant finn ein ved starten på Einleitet eller ved Matresvatnet, og desse legg de i postkassen når de har gjennomført turen. Vinnaren kan venta seg ein liten premie. Ei turbok er lagt ut ved Fadervårhelleren, omtrent halvvegs på stien.
Frå denne turboka vert det også trekt ut ein premie.

Målet er at stien vert brukt både av oss på skulen og flest mogleg andre.


Me har rydda ein sti, eit kulturminne, og ved aktiv bruk håpar me alle vil vera med å ta vare på den!


Tekst: 8.-10.klasse ved Matre skule