Show results

2006-03-28 (Arne Høylannd)

Kommentarer til aktiviteten
Bilo vart mykje nytta til å øksa bygningsmaterialar, flaggstenger o.l med. Særleg er mange gamle bygningar som løer, naust, utløer o.l. ofte bygd av materialar som heilt eller delvis er øksa eller skanta til på plassen med ei bila. I fjor vår var eg så heldig at eg fekk kjøpa ein litt stor furustokk hjå han Egil Magnar Eidsnes og så fekk eg han Bjørn Bjørn Systad te å bruka bilo si på stokken, til å telja (øksa) ein stor firkanta stav til meg. Eg tok då ein del bilete tå han Bjørn medan han arbeidde med bilo.

Bilder

Bjørn har strekt snor på stokken og skore inn små loddrette stikk langs etter snorstreken med ei sag . Deretter brukar han bilo til å øksa vekk små bitar av gangen.
© Arne Høyland

Bjørn har strekt snor på stokken og skore inn små loddrette stikk langs etter snorstreken med ei sag . Deretter brukar han bilo til å øksa vekk små bitar av gangen.

Etter å ha grovskanta fyrste sida på stokken med bilo, går han over att med bilo og finpusser sida. No vert overflata ganske slett og fin, slik me ofte finn det på stavar og betar i gamle løer o.l.

Slik held han fram med å skanta til alle fire sidene på stokken slik at han til slutt har fått ein fin firkanta bjelke som kan brukast til stav eller noko anna i eit bygg. Bilo som Bjørn brukar er ein ny kopi av ei bila frå Øvstedal i Voss.