Show results
| Alle områder | » | Vestland | » | Jordal.....................i Austfjorden | » | 2009-05-27 (Arne Høyland og elevar ved Myking skule) |
Kommentarer til aktiviteten
Du finn oss i naustet" er ein skuleturne som tek for seg kulturminna knytta til bruken av sjø og vassdrag. Elevane får vera med å dokumentera kunnskap om kulturminne i sitt eige lokalmiljø og på den måten vert dei med å styrka det lokal kulturminnevernet. Opplegget har eg utvikla i samarbeid med Den kulturelle skulesekken i Hordaland. Turneen starta opp våren 2004 i Nordhordland. Våren 2009 er det skular i kommunane Vågsøy og Bremanger i Nordfjord som vert vitja og skular i Lindås i Nordhordland.
Arne Høyland
Bilder
Utsyn frå Jordal mor Hosøy og dei nordste gardane på Stranda.
På Hosøy budde ein av dei sentale båtbyggjarane i siste del av 1800-talet.
På Jordal i Austfjorden hadde desse gardane naust:
Lid, Kleiven, Reikerås, Bjørnevoll og Jordal.
Elevar ved Myking skule i Lindås, har registrert naust i Jordalstøa.
Elevane målte opp bygningar og skreiv ned fakta og tok bilete. Denne reportasjen har eg laga i etterkant av opplegget og er basert på feltarbeidet som eg gjorde i lag med skuleelevane.
Me hadde med oss to lokalkjende informantar som hjalp oss med opplysningar.
Utsyn frå Jordal nord mot Melshovden i Austfjorden, omlag der grensa mellom Fensfjorden og Austfjorden går.
Dette naustet høyrer til Lid. Oppmåling lengde 630cm breidde 330cm høgde ca. 320cm Klikk direkte på bileta for max storleik
Dette naustet høyrer til Jordal.
Her har det vore butikk på 1800-talet før dette naustet vart sett opp.
Det vart og dreve sjenking av øl og brennevin her i Jordalsstøa men om det var i same huset som butikken er uvisst.
Oppmåling
lengde 684cm
breidde 433cm
høgde ca.342cm
Gamle hùnbord til kledning som er festa med spikar. Men det er naglehol i dei som viser at dei er gamle og har vore brukt til kledning før dette.
Merk den spesielle tappen i enden på novet. Me manglar lokal kunnskap om bruken av denne delen, men noko har det vore nytta/knytta til. Kanskje feste av båt, dyr eller noko anna. Dette har eg ikkje sett før på mine registreringsreiser.
I samtale med Jon B Godal seier han at det er registrert liknande festepunkt i enden på tømra naust lenger nord i landet. Han tenkjer og at det kan ha hatt samanhang med tømmertransport.
