Show results

Løo vart sett opp her etter utskiftinga ein gang mellom 1860 -1900 . Me målte ikkje opp løa, men det er gjort gjennom SEFRAK- registreringane til Hordaland Fylkeskommune. Klikk direkte på bileta for max storleik

Inne i løo er ein tømra flor med alderdomleg preg, litt av tømmeret er kanskje av nyare dato. I SEFRAK- registreringane frå 1966 står denne merknaden: Det er fortald at då Manger kyrkje brann ned, vart resten av tømmeret frå kyrkja sett oppatt som flor.

Tømmeret i florsveggane er flatøksa og nova med veksling av rot og toppenden. Tømra er novd med ein type samanføyng som i vårt området vart kalla for m i d t s t o l n o v. (Kjelde:Johan Litleskare sine skrifter)

Detalj av gamal tømmer, her brukt oppatt som opplengja/avstiving av tømmerveggen i floren, novet er truleg øksa til og av typen midtstolnov.

På ein av dei andre tømmerveggane er det og brukt ei gamal tømmer til opplengja. Denne tømra har spor etter "hyvebygging" og ho har ei oval overflate, slik ein kan finna i tømra stovebygningar frå 1700-talet . Jamfør neste bilete.

Same tømra som 7a Tømra har ei oval overflate, slik ein kan finna i tømra bygningar frå 1700-talet. Årringane syner at emnet er teken av eit tettvakse furutre.

Løo er grindbygd . Lokal tradisjon fortel at noko av materialane i løo skal koma frå ei kyrkja på Manger. Det me fann i løo som kan skriva seg frå ei kyrkja er ein fint bearbeidd takbjelke eller stavleia som er brukt oppatt som stavleia/sperreleia i løo. Det er to slike bjelkar i løo, ein på kvar langside og kvar med ei lengd på ca. 12 meter. På eine sida av bjelken som vender inn i rommet, kan me sjå ei fin pynterand, staffelering.

Fint tilhoggen og pynta stavleia? brukt oppatt som stavleia i grindverket.

Fint tilhoggen og pynta stavleia? brukt oppatt som stavleia i grindverket.

Fint tilhoggen og pynta stavleia? brukt oppatt som stavleia i grindverket.

Teikning av Manger gamle kirke, avfotografert bilete frå boka Norges kirker , Hordaland- Bind 3. Denne steinkyrkja vart bygd i 1743 etter den som brann ned. Kyrkja vart reven att rundt 1890 i samband med bygging av den nye kyrkja som står på Manger i dag. Ein teori kan oså vera at dei fine stavleiene i løo kan ha vore stavleier i den gamle steinkyrja på Manger som vart reven i den perioden løa vart bygd.