Resultater

Garden Isdal ligg langs den Indre farleia i Nordhordland, litt sør for Alversund.
© Du finn oss i naustet

I si tid var det 6-7 naust som høyrde til garden Isdal. Det var og to naust i Herlandstøa. Dei fleste nausta vart borte då dei laga ferjeleget. Frå 1700-talet kom postvegen landevegen frå Bergen til Tellevik og sjøvegen til Isdalstø, deretter vidare den ”Trondhjemske postvei” til Seim o.s.v.

I dag står det att to naust på Isdalstø som høyrer til det gamle klyngetunet i Isdal. Klyngetunet kan ein spora tilbake til 1500- talet og slike har det vore mange av i Hordaland. Dei fleste klyngetuna vart vekke etter utskiftingslova som kom i 1857. Ikkje slik i Isdal.

I 1936 kom dampskipskaien og seinare same året kom ein kutter som var den fyrste ferja. I 1939 kom ferjeleiet for vanleg ferje, som seinare vart nedlagt i 1956 då ferjestøet i Knarvik var ferdig. På bilete ser me det gamle ferjekaien nærmast midt på bilete.

I mange år var her to butikkar. Her var og to trevarefabrikkar.

Før butikkane kom var her sjenkestove og venteleg og butikk i same huset. (Huset til høgre på bilete) Denne plassen vart og nytta som skysstasjon, og her budde då ein skyss-skaffar som hadde både hest, vogn og båt. Skysskaffaren hadde og oppdraget med å skaffa folk som kunne utføra skyssinga. I tida 1820-1896 var det mest storfolk som hadde råd å nytta skyssen, men også ein og annan turist. Til venstre for dette huset ligg ein bygning som vart nytta til garveridrift frå 1917– ca 1970

Bøndene i Alversund og Isdal gjekk ilag og bygde meieriet i 1912. Nedlagt i 1963.

I nyare tid kom det ein brannstasjon, den lange raude bygningen på bilete til høgre for den gamle fergekaien. Like bak brannstasjonen ser vi i taket på eit hus der det in gong var eit garveri. Sjå bilete under.

Her har det vore eit lite garveri.

I ei lita vik sør for sjøbruksmiljøet på Isdalstø ligg Herlandstøa. Her ligg to naust som høyrer til garden Herland i Seim. Inni vika har det og stått ei laksegilje