Resultater
Alle områder | » | Vestland | » | Brørvikskuto.................episode 079 | » | 13.07.1996 (nhu v/ arne høyland) |
Kommentarer til aktiviteten
BRØRVIKSKUTO (079)
EIDSLAND 13.07.96
SKATSAGING OG LEGGING AV MATERIALAR PÅ STRØ
TRADISJONSBERAR: HANS A BRØRVIK
DOKUMENTASJON: ARNE HØYLAND
Bilder
BILETE 786
Brørvik
Ettter å ha fotogrfert Nrørvik, køyrer eg inn til Eidsland. No skal me skjera dei tre siste skatstokkane . Av dei to fyrste stokkane får me denne materialen:
A) SKATSTOKK
1 rundhun, ved
2 rundhun, ved
3 bord, 3/4 toms, ukanta
4 boks, 4x5 toms, sperr,grindbygg
5 boks, 4x5 toms, sperr,grindbygg
6 bord, 3/4 toms
7 bord, 3/4 toms
8 hunlekt
9 plank,2x5 toms, snedband, grindbygg
10 plank,2x3 toms, til forefallande
11 hunlekt, ved
12 bord, 3/4 toms, ukanta
13 rundhun, kledning
Me ber ut boksen (4) og skal leggja han oppå noko material som ligg der frå før. Hans seier:
- me legg han på flasken
Flasken er flatsida, skurflata,
Flaskeskoren material er ukanta material. Det vert berre skore ligg på stokken og så vert det skore ukanta, slik det vart gjort med båtborda.
Hans seier at her brukte dei ikkje uttrykket flaskeskoren men dei sa :
- ukanta bord og kantskårne bord
- me sa ukanta i Brørvikje
- Sogningane sa flaskeskorne, dei kom her me bord til møbelfabrikkjen
B) SKATSTOKK
Denne vart kappa i to emner, eine enden til ved , den andre til strø (kubb)
1 rundhun,
2 rundhun,
boks (kubb) , 3x3 ? strø
C) SKATSTOKK 685 cm (toppen av ein Fet-stokk, bekkemne)
1 rundhun
2 rundhun
3 mastemne til småbåt(ikkje til skuta)
BILETE 787-788
Hans kantar mastemnet slik at emnet får ei jevn og fin avsmalning opp gjennom toppen
BILETE 789
Hans har lagt mastemnet på strø på betane over sagbenken, slik at det får ein god og trygg tørkeplass. Hans la under ein treklosse i toppenden av mastra og batt han fast til beten så han ikkje skal ramla ned.
BILETE 790
Me er så klar til å gå i gang med å leggja materialen på strø.
Her er material til skuta og til eit grindbygg.
BILETE 791
Hans byggjer opp med steinar og kubb før han legg dei fyrste tverrstrøa. Det må vera god lufting under stabelen.
Hans siktar og ser på underliggjarane og seier:
- nei, han e just strøkjen
Hans brukar material frå eit gamalt timmerhus til å byggja under for strøa. Me kappar opp tømmeret med ei lita bogesag. Hans kommenter kvaliteten på dette gamle hustømmeret:
- merkakje du kor godt saje skar då me skar plankjen
- dei hadde vet på skog
- eg lura på om da va malmfåra
- han va hoggjen innpå Kammen dar (på Eide), han hogg hjå faren sin då han kom att frå Amerika
TØMMERMENN (m.)
- dei var større dei so gjekk i øksasponen enn i sagerubben. I Sponvikje hadde han bestefar sett den med dei støste hådne på, da kunne vera fira tomma mydlo spissane på hådne
- han bestefar sa at dei vart mykje større i den øksasponen ette dei økste matrial i Sponvikje. Han målte ein med meterstokkjen ( 4 tomma mellom horna)
- da va et namn dei fekk før dei gjekk i desse dongane med øksaspon
- da va vel et slekt namn so va lokalt
- dei seie at dei har tømmermenn ette ein fest, dei har tekje seg ut (Hans veit ikkje å forklara uttrykket)
SØJA Å PRATA
Me snakkar litt om vegopninga i Modalen i dag, og Hans seier:
- dei e vel komme innatt i Modalen å søja å prata.
I dag køyrde eg heimatt om Modalen, no var vegen mellom Modalen - Romarheim opna og med det var også ferjetrafikken i Indre Osterfjord avvikla.