Resultater

07.02.2012 (Arne Høyland / Samnanger kommune)

Bilder

(07.02.2012)

Dette er ein ny kjelke som Trygve Høysæter har laga og trematerialen er av ask. Denne modellen har han frå Gjerde i Samnnager. Men Trygve vaks opp på Høysæter i Samnanger og der var konstruksjonen litt anleis og kjelketypen vart kalla "blinning". Trygve fortel: Da kom tidle snø dar oppe. Når da lei på våren, tidleg om morgen før da tinte, då la me to børe på tvers og sat framme på midtvøllen og skredde unnabakkjen.
(07.02.2012)

Da va helst høy dei drog med kjelken, men dei drog og ved på dei. Me hadde fira utløe, da va helst te sauna me brukte høyet frå utslåtten. Blinninjen hadde me bannjedn unna. Me brukte bere tau te å dra kjelken med.
(07.02.2012)

Espelid ligg litt ovanfor biletkanten.
(07.02.2012)

Espelid ligg midt oppe i fjellsida på bilete.
(07.02.2012)

Lars Espelid fortel: Me var oppi Sævildmarkje og hogde tømmer, stokkane vart kvista og ein tok borkjen tå. Me hadde ikkje hest, drog da øve isen, hadde ein kjelkje. Dar me ikkje kunne bruka kjelkjen brukte me tau og røkk. Han Anton har ein kjelkje som me brukte. Me drog kjelkjen med tau, so hadde me kjettinga til å streka (bremsa) meiane med. Meien var av vokse emne. Far brukte jern unna meiane. Me kappa stokkane i lengdar på ca 3 meter og la på kjelken. Kunne og dra kubbane med tau, borde hol ute i enden og tredde tauet gjennom og drog. Va me to- tre i skogen måtte me ha kvar sin kjelke. Me drog da heim te innmark.
(07.02.2012)

Kjelken frå Espelid er til forskjell frå kjelkane frå Rødne, Gjerde og Hisdal bygd på meiar og ikkje ski.
(07.02.2012)

(07.02.2012)

Bilete gjeld og nr.6 vedaslede frå Hisdal
(07.02.2012)

Helge Hisdal fortel: Far min hadde ein mindre slede til å dra ved på der det var vanskeleg tilkomst. Denne festa han plastplater under meiane på 80 talet, for at han skulle sleppe å smørja og at det skulle gli lettare. Sleden er truleg laga og brukt av Vilhelm Hisdal f. 1917 d.1999. Alt er av ask. Brukt til å dra heim vedstokkar i vanskeleg terreng Seinare la han jern under meiane då han drog ved med han etter veien med bil. Lettvint måte å få veden heim, etter hans meining.
(07.02.2012)

(07.02.2012)

Helge Hisdal fortel dette om sleden: Laga av Nils Reistad (Hjulmakaren) ca 1952-53. Material: Meiar av bjørk, resten ask. Brukt av Vilhelm Hisdal til å dra heim tømmerstokkar, ved og nokre gonger , hjorteslakt , skote av ein bror til far. Sleden vart kalla for "vedaslede". Den er av liknande konstruksjon som Trygve Høysæter sin, med smidde feste for "midtvøl" og smidde stagboltar gjennom meie og bein. Ganske breie meiar. Lav og brei konstruksjon. Denne var brukt til å dra ved og tømmer på. Kun manuell trekk kraft,1, 2 eller 3 mann , ikkje hest.
(07.02.2012)

(07.02.2012)

Dette er eit drøg frå Tveit i Samnanger, hesten brukte det til å dra tømmer og ved med. Det spesielle er at drøget er av smijern, men det er ein variant av den gamle modellen i tre. Smijernsdrøget er truleg smidd av ein lokal smed. Tindlane (draget) er av tre slik det også er på dei gamle drøga. Alder: truleg laga på 1950-talet. Dette er truelg siste steget i utvikling av det gamle vestnorske tømmerdroget. Kan det vera eit eineståande eksemplar eller har nokon sett same konstruksjonen i smijern?
(07.02.2012)

(07.02.2012)

Skikjelke frå Nordbygda i Samnanger. På dette gardsbruket vart transporten for det meste gjort med handamakt, det var ikkje hest på dette bruket. Difor vart det nytta skikjelkar til mykje av transporten, ikkje minst i samband med utslåtten/fjellslåtten vart desse farkostane viktige.
(07.02.2012)

(07.02.2012)

Ein svært alderdomleg, sjeldan og eineståande slede/kjelkekonstruksjon med bruk av vidjer til å binda saman ski, bein og langfløyt(rem) Kjelken er truleg kappa på lengden. Ein lengre skikjelke med liknande konstruksjon er registrert på same garden. Klikk direkte på bilete for max storleik
(07.02.2012)

Bruken av bjørkevidje til feste for samanføying mellom ski og langfløyt er både elegant, alderdomleg og unik. Samanlikn med nr.2 der vidja er bytta ut med streng.Det tyder på at bruken av vidja har vore brukt til dette fleire stader i Samnanger.
(07.02.2012)