Resultater

Kommentarer til aktiviteten
TVEITAFELA JOHANNES BÅRDSON TVEIT (1786-1847) på garden Tveit i Samnanger var meister for dei kjende tveitafelene eller samninga felene som dei også vert kalla. Felene er høg mælte og klåre i tonen, og dei gjekk for å vera mellom dei beste og mest forseggjorde i si tid. Einskilde feler er enno i privat eiga, men elles er tveitafela å sjå både på Historisk Museum i Bergen og på Hardanger folkemuseum. Johannes var svært nøye på arbeidet og kva vyrke han nytta. Det vert fortalt at han helst leita seg ut emneved attmed ein foss, og når emna var godt turre, banka han på trestykka for å høyra om det var rette klangen i dei. Han brukte gjerne svart older til botn og fure til lok, medan felegjorda vart laga av hatl. KNUT HANSSON MYRLAND (1851- 1946) kjøpte formene og verktøyet etter Johannes og laga mange gode feler. Kjelde: Kulturhistorisk vegbok for Hordaland

Bilder